KURDISTAN DE DERHEQÊ CÎNÎYANÊ FEMÎNÎSTAN DE HENÎ MALÛMATÎ Û XEBERÎ

Abstract

Cînî ewilocoyê xwu ra di cu de wayîrê rolêko pîlî yê. Bîyayîşê însanan ra nat qaso ke mêrdeyî het danê cuye, cînî zî endêke het danê jîyanî. Cînî keye de, bexçan de, kar û barê teberî de, paleyî de rezan de yanî çi yeno heşê ma heme çî de milê înan bi milê mêrdan wa bîyo. Cînî ke hetê zanayîşî wa, hetê perwerdeyî wa, hetê estbûne wa henî qewet destê aye de bibo sey mêrdeyî eşkena heme çî bikero. Eşkena hukumdarî, serokî û fermandarî bikero. Yanî hukmê cînîyan mêrdan ra averşîyayo. La belê ma eşkenê vacin ke nê cînîyê kurdan goredê cînîyanê bînan ra henî zêde serbixwe yê. Ma ke biewnîn tarîx ra ma do bivînin ke henî cînî vecyayê meydan û di cîhan de nameyê înan bîyo vila. Nê heme miletan de est ê. Ma biewnîn pelganê verînan ra cînî het dawo împaratorî, het dawo eşîretan, vateyê înan mîyanê mêrdan de serkewte bîyo. Bi rastî cînîyê kurdan ewilocoy ra bêters û jêhatî bîyê. Bi xeberdanê xwu, bi serewedartişê xwu, bi cil û berganê xwu cînîyê miletanê bînan ra cîya yê. Cînîyê kurdan vernî ra heta peynî jîyanê înan zehf balkêş o.