SILO QIZ Û ŞUWARÊ EY

Abstract

Silo Qiz şaîrêkê sazbend yê Dêrsimî yo. Mi waşt bi na xebata xo, ey û şîîranê ey bida naskerdene. Na babete, nê hîrê hetan ra bala mi ante: Yew; Silo Qiz şahid û mexdurê terteleyê Dêrsimê yo. Derheqê ê rojan de melumat dano. Di; şaîr o, şîîranê ey de cuya (heyatê) şarê Dêrsimî esta. Tay şîîrê ey sey şuware vajîyayê tayê çêrî (qehremanî) ser o yê. Silo Qiz şaîrê şarê yo; tayê şîîranê xo seba waştena şarî vano. Kesêk yeno ey ra rica keno, vano hal-hêkatê mi wina (nîya) yo, "seba nê halê mi jû (yew) şîîre biwane". Silo Qiz zî (kî) a game de spontane a babete ser o şîîrêk vano. Hirê; Silo Qiz kemane cineno. Mîyane şare Dêrsimî de kemane zaf nîno cinitene. Kulturê Dêrsim de cinitena kemaneyî çin a, zafêrî tomir (tembur) yeno cinitene. Silo Qiz tena hetê kirmanckî û şaîrîye ra muhîm nîyo, hetê temsîlkerdena kulturê Dêrsimî ra kî kesêko muhîm o