LI GUNDÊ DARÊ YA MÊRDÎNÊ ÇANDA DEVKÎ YA ARGO

Abstract

Argo, di nav ziman de perçeyekî taybet ê biçûk e. Zimanê argo di hundirê civakê de, li her derê nayê bikaranîn. Di nav civakê de bikaranîna vî zimanî tê şermkirin lê di hundirên komên biçûk de tê bikaranîn. Hinek peyvên argo dibe ku berovajî ehleqa civakê be. Bi giştî ev ziman, ji bona haqaret û kenandinê tê gotin û gelek caran sixêf di nav de tê bikaranîn. Ji ber wê, wexta mirov vî zimanî bikar tîne; pêwîste ku mirovên di hundirê wê sohbetê de samîmî bin. Ya na dibe ku di nav wê sohbetê de alozî û şer derkeve.