Mîtos û Edebîyat, Mîtosên Kurdo-Îranî Di Edebîyata Kurdî De

Abstract

Hebûna vê xebatê di qada mîtolojîya kurdî da heta radeyekê bersiv e bo wan nêrîn û îddîayan ku tê gotin ew naverok, metn û karakterên mîtîk yên cîhana îranê aîdê Îrana niha ya netewe-dewlet e. Dema em dibêjin çand, cîhan û edebîyata Îranê qest ne welatê Îrana aniha ye; teqabilî cografyayeka berfireh dike ku berê kurd û faris û çendîn etnîsîteyên din bi hev ra lê jîyane. Kitêb, bi giştî li ser hebûna naverok, karakter û motîfên mîtîk e ku di çar zaraveyên kurdî da îşaret bi hebûna berbelavbûna mîtolojîya kurdan dike di bin banê mîtosa kurdo-îranî da, yanî tê îsbatkirin ku mîtosa li cografyaya Îranê berbelav e, ne aîdê miletekî lêbelê ew aîdê cografyayekê ye kurd jî beşek ji wê cografyayê ne.