MAÜ GCRIS Standart veritabanının içerik oluşturulması ve kurulumu Research Ecosystems (https://www.researchecosystems.com) tarafından devam etmektedir. Bu süreçte gördüğünüz verilerde eksikler olabilir.
Kürt Dili ve Kültürü ABD - Tezsiz Yüksek Lisans Proje Koleksiyonu
(Mardin Artuklu Üniversitesi Yaşayan Diller Enstitüsü, 2018) ŞİMŞEK, Kemal
No xebat dewe ya Boxazîya ke girêdayeyê Erxenîya, aye ser ro ameyo kerdiş.
Dewa Boxazî dewanê Erxenî miyan de yew dewa kirmancana. Der û dormeyê ci de
dewê kurmancan û tirmenan estê. No sebeb ra dewe xisusîyetê xo esto. Dewe hetta
ewroyî nê şertan miyan de kamîya xo vindî nêkerda. Armancê nê xebatî no yo ke na
dewe bido şinasnayiş. Her çiqas dewe erdê ci binê bendawî de manenê û dewe tewirtewir sebeban ra koçê şaristanan bikero zî hema kamîya xo, xo vîr ra nêkerda. Her ke
şino ziwanê ci vindî beno, labelê no wezîyet hemme kurdan miyan de wina yo.
Dewe de ver bi serranê 2000’î bi tesîrê televîzyonan û moda û şiyayîş ameyişê
şaristanan ziwan de bedilyayiş lez bi. Hendek ke aver şi keynekan xo miyan de kirdî
wedart.
Na dewe tarîx de cayê ko muhîm girotênê. Seba ke awa ci esta her wext tewir-tewir
milletî tede bica bîyê. Ewro Zêbî, Zêndan, Xanoqe, Diyarê Sirtî, Opey de xirabeyê
verînan estê. Derû dorme de qet cayê de hendek xirabeyî çînê. Tiya ra yeno
famkerdiş ke na hereme de rewnayo ke însan bica bîyo. Dewe de awe esta, erde xo
estê, koyî, daristan û zergunî estê. Wexto ke nê heme şertî bêrê yew ca ûca însanî rê
beno cayê do maqul.
Nê xebatî de çekûyê kirmanckî, dimilî û zazakî ameyê şixulnayîş. Miyan ra yew
nêameyo vîjnayiş.
Nê xebatî de armanc o yo ke na dewe ya tarîxî û zergune bêro naskerdene û ziwan û
kulturê aye sero xebatî bêrê kerdiş.